هذه قصيده كتبتها أم لولدها المعاق ، أترككم معها :

ياما سهرت وزاد غمي لغمك ماارتاح ليمن تهتني في لياليك
وياما الي طولت نومك أشمك وأتاكد انك عايش لي وأرجييك
وياما زعلوا مني خوالك وعمك وياما هجرت أقرب قريب ضحك فيك
وياما ذرف دمعي إلى سال دمك وبراءة الأطفال ماهيب تنهيك
وياما انتظرتك عند بابي وأنا أمك وأقول في يوم تجيني وأحييك
أخاف من يوم يجيني يغمك ويجيك علمي مع عزيز يعزيك
أنا على الله داخله ثم لمك ارحم قليب تالي الليل يشكيك
فكر بمنهي صابها ضيم ظلمك واذكر حشا ضمك وعسى المساليك
ودي أشوفك قبل يومي ويومك ولو مره بالعام يا الله يخليك
ما ابيك تقطعني إذا أمري يهمك بقعد معك وأضحك وأسولف وأحاكيك
يا وليدي اذكر كلمة قال فمك ليقلت كلمة يوه قلبي يلبيك
واذكر زمان به فراشي بجنبك والي شكيت تقول يمه واسليك
والى اشتد مابك فوق كتفي ازمك ما ارتاح لحظه لين ربي يعافيك
والختم ليجتك الرساله وأنا أمك بما تجي والا أنا أزحف واناجيك